Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Scutellaria galericulata

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Escudello

Scutellaria galericulata

Lamiaceae Labiaceae

Noms en français : Grande Toque, Scutellaire à casque.

Descripcioun :
Planto gaire coumuno au nostro que patis sus li ribo d'aigo de la coulounisacioun di relarg pèr Amorpha fruticosa, planto envahissanto. Es uno erbo pulèu grando que se recounèis à si flour bluio, pelouso e groupado pèr douas, que porton un casco (escudello).

Usanço :
L'escudello èi richo en anti-óussidant, èi vertuouso contro l'alergìo, li vèrme e li fèbre ; ajudo tambèn à digeri. A passa tèms servié pèr lucha contro lou paludisme. Ei peréu utilisado contro la tavaniho.

Port : Grando erbo
Taio : 20 à 100 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Scutellaria
Famiho : Lamiaceae
Famiho classico : Labiaceae

Coulour de la flour : Bluio
Petalo : irreguliero
Ø (o loungour) flour : 2,6 à 3 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à setèmbre

Liò : Ribiero - Palun
Estànci : Mesoumediterran à Mountagnard
Couroulougi : Bourealo
Ref. sc. : Scutellaria galericulata L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Scutellaria galericulata

ges

Coumpara Lambrusco(-bastardo) emé uno autro planto

Coumpara Escudello emé uno autro planto